25 de marzo de 2024

22 de marzo: seguimento masivo da FOLGA nos Bancos AEB en Galiza

A mobilización no día da folga, o 22 de marzo en Galiza

Unha vez máis as traballadoras e traballadores dos bancos en demos unha lección de dignidade secundando masivamente a xornada de folga en defensa dun convenio xusto, sendo un dos territorios do Estado (xunto con Euskadi e Levante), nos que a foi secundada por máis dun 80 % do persoal.

AEB di agora que a súa vontade é negociar e chegar a un acordo, pero os feitos non se corresponden co manifestado. Establecer unha nova xuntanza da mesa para dentro dun mes (23 de abril) non amosa preocupación por resolver o conflito. Máis ben parece unha estratexia de desgaste para que o paso do tempo inflúa no persoal e este dea por perdida a batalla.

Non contan con que o persoal xa fixo o máis difícil: dar o primeiro paso, demostrando que estamos dispostos e dispostas a continuar unidas para loitar polo que é de xustiza. Ese é o camiño, a patronal ten que saber que seguiremos coas mobilizacións.

Loitamos por un convenio xusto, para recuperar e manter o poder adquisitivo, para acabar coa presión e acoso comercial e para reducir a carga de traballo.

21 de marzo de 2024

A patronal INCUMPRE a súa palabra

Hoxe a patronal AEB presentouse na mesa de convenio cunha nova proposta de mínimos. Falando dunha suba salarial en catro anos do 10 %. E cunha cláusula de garantía salarial referenciada o IPC para aplicar ao final da vixencia do convenio, e topada no 2 %. Sen valorar outras materias de convenio.

Dende a CIG manifestamos na mesa que seguimos mantendo a nosa prioridade de recuperación do poder adquisitivo perdido e mantemento a futuro.

Ante este pulso da patronal, ás portas dunha xornada de folga, ás traballadoras e traballadores de sector non nos queda outra que responder a este envite. Dixémolo desde un principio, a CIG estaremos en todas as mobilizacións que se convoquen para defender os dereitos das traballadoras e traballadores do sector, tamén na do 22 de marzo.

19 de marzo de 2024

Ou negocian ou convocaremos novas xornadas de Folga

Na reunión do martes 19, a patronal non concretou ningunha proposta. Pero comprometeuse a presentar unha oferta o próximo xoves que inclúa elevar a proposta salarial, buscar unha fórmula de preservar nalgunha medida as repercusións do IPC, e estudar unha variación na aplicación da cláusula de compensación para algún colectivo; en definitiva, un esquema similar ao acordado en CECA a semana pasada.

Desde a CIG insistimos en que a nosa premisa é que este convenio debe marcar un punto de inflexión a favor dos cadros de persoal, recoñecendo os sacrificios das traballadoras e traballadores do sector na última década. Para iso ten que mellorar substancialmente o aspecto salarial e as condicións de traballo.

O persoal mobilizámonos para recuperar salarios, pero tamén para denunciar o acoso, a presión comercial e a carga de traballo que soportamos no noso día a día. Esa é a realidade do sector.

Desde a CIG pulamos porque as subas salariais se negocien en convenio; non recoñecemos as supostas melloras discrecionais unilaterais dos bancos.

15 de marzo de 2024

Intervención da CIG 
Xunta xeral de accionistas 2024

Quenda de intervencións Xunta Xeral de Accionistas BBVA 2024

Neste ano 2024, a CIG volveu intervir na xeral de accionistas do BBVA para facerlles escoitar a vosa/nosa voz. Semella que co masivo seguimento da folga do día 29 en deberían xa coñecer o estado do persoal do banco, o clima laboral existente, e as problemáticas cotiás, pero cremos necesario reiterarllo.

Se a dirección do banco pensaba que o motivo só foi pola negociación do convenio colectivo, fixémoslles saber do descontento, desánimo, esgotamento e fartura do cadro de persoal, do que son directamente responsables.

Esiximos unha remuneración acorde co esforzo do persoal, que recolla o beneficio xerado e compensar os anos de hiperinflación.

A resposta do banco, pola contra, é duplicar o seu soldo un ano máis e repartir migallas a algúns e algunhas afortunadas, cando o que tocaría sería asumir un plan de salarios ou prexubilacións serio e deixar de compensar e absorber cada pequena suba concedida.

Tamén reclamamos poder desenvolver o noso traballo en condicións laborais que non xoguen coa nosa saúde, sen levala ao límite, como demostra o alto número de baixas de longa duración. A solución non pode ser tomar pílulas para animarse ou reducir a tensión diaria. Asiendade provocada polos obxectivos desmedidos e desproporcionados, rankings que segundo a dirección «non existen», esixencias, presións e ameazas de «isto é o que hai», e «fóra fai moito frío».

Carga de traballo desmesurada polo desmantelamento da Rede de sucursais, onde ou segues o modelo imposto ou atendes á clientela. Clientela á que deixan abandonada á súa sorte co gallo da dixitalización e a imposición da tecnoloxía, e á que nos impiden atender adecuadamente.

Na nosa entidade vemos como o persoal de nova entrada traballa por un soldo, un chisco por riba do salario mínimo. E vemos persoal recentemente licenciado en ADE que dedica as tardes a certificar o CAFI. É normal que moitos homes e mulleres abandonen o barco buscando mellores horizontes laborais. Que os hai! Seguen sen atender as necesidades de conciliación do persoal, poñendo todos os impedimentos que se lles ocorren. Ademais, subliñamos a opacidade da información das retribucións, proporcionando datos tan enmarañados e incompletos que, o feito de facer un esforzo tan grande, nos leva a pensar que a fenda salarial entre homes e mulleres é moito maior da que pretenden contarnos.

Son tantas feridas inflixidas ao longo do tempo que, máis que facernos a pel máis dura, temos hipersensibilidade á súa total falta de empatía. Non todo vale.

E a resposta foi alta e clara, cunha folga total que contou coa participación de traballadoras e traballadores de diferente afiliación e de diferentes postos na organización.

Xa vai sendo hora de que tomen nota e dean pasos adiante para cambiar as cousas. Deixámoslles moi claro que o persoal non atura máis a situación e está disposto a defender as súas condicións de vida e de traballo cos mecanismos dos que dispoñemos, que xa utilizamos e volveremos a utilizar.

Velaquí tedes, deseguido, a intervención completa na pasada xeral de accionistas do BBVA · 2024

14 de marzo de 2024

AEB lonxe de acadar melloras reais de convenio

No día de onte AEB fixo unha nova proposta salarial, mantendo a súa argumentación inicial; é dicir, apoiándose no Acordo Estatal de Negociación Colectiva (AENC) subscrito entre CC.OO, UGT e a patronal CEOE. E novamente, sen contemplar cláusula de garantía salarial para a vixencia do convenio, e sen ter en conta a perda de poder adquisitivo dos últimos anos.

Mantendo a súa proposta inicial de vixencia do convenio para catro anos, a suba salarial que propuxeron foi:

 
2024 2025 2026 2027
%  2,50 %  1,75 %  1,75 % 

A CIG manifestou na mesa que a recuperación do poder adquisitivo ten que ser unha realidade neste convenio. Pero ademais, se queremos que non se repita o escenario dos anos 2021 e 2022 onde o IPC superou con moito as subas pactadas en convenio, hai que ligar os salarios ao IPC cunha cláusula de revisión anual. A nosa proposta non variou, calquera mellora salarial debería ligarse ao IPC + un diferencial. Hoxe as previsións da inflación son á baixa, pero a experiencia dos últimos anos, onde os conflitos internacionais foron un factor determinante para a evolución da nosa economía, indícanos que eses escenarios se poden repetir, e poderíase reavivar á alza a inflación.

Incidimos en que a monopolización da negociación pola cuestión salarial, está relegando a un segundo plano cuestións que para as traballadoras e traballadores son fundamentais neste convenio.

Manifestación na Coruña o xoves 29 de febreiro

O persoal que participou na folga dos bancos AEB o 29 de febreiro en , tamén o fixo para amosar o seu fastío pola presión e acoso comercial, a carga de traballo e a falta de persoal. Ao tempo que deixaba clara a súa disposición a mobilizarse para mellorar as súas condicións laborais.

Xa o dixemos, a folga non é un fin senón un medio.

Se a patronal segue sen escoitar o clamor dos cadros de persoal, volveremos saír ás rúas e a deixar as oficinas baleiras para que se atendan as nosas xustas reivindicacións.

A próxima xuntanza da mesa de convenio será o martes 19 de marzo.

Seguimos na loita, os dereitos conquístanse na rúa.