O pasado 29 de febreiro, na mesa de convenio, manifestamos que a folga en si non é un fin, é un medio que temos as traballadoras e traballadores para conseguir os nosos obxectivos. Neste caso, que a patronal AEB negocie e non impoña, que fagan UNHA PROPOSTA SERIA E ASUMIBLE.
O apoio á folga en Galiza foi moi amplo, coa maioría das oficinas do sector pechadas, e centos de compañeiras e compañeiros manifestándonos na Coruña por un convenio xusto. Sen siglas e sen bandeiras: o protagonismo da folga foi das traballadoras e dos traballadores, e quen convocamos esta folga seguimos apostando por esa unidade, de todas e todos.
As bancarias e bancarios berramos alto e claro, polas rúas da Coruña, que rexeitamos os novos recortes que propón a patronal e a presión comercial á que nos someten no noso día a día. Non imos consentir que sigamos perdendo salario e dereitos.
Na próxima xuntanza do día 13 de marzo a Patronal ten a obriga de presentar unha proposta acorde coa realidade do sector. A responsabilidade social dos bancos comeza polos seus propios cadros de persoal, que asumiron os maiores sacrificios durante a última década.
Adiante e moita forza a todas e todos, a loita continúa!
CIG—ELA—SEC–BBVA—Intersindical–CSC
➤ Temos unha canle en Telegram, che convidamos a seguirnos por se queres estar ao tanto das novas tan axiña se produzan; Únete!
Súmate a CIG! Afíliate!
Folleto
http://i.gal/Afiliate [.pdf • 182 kB]Folla
http://i.gal/AfiliateCIG [.pdf • 1'09 MB]
Ningún comentario:
Publicar un comentario